Tað gekk sera illa hjá StÍF-kvinnunum at fáa mál í dag. Verjan hjá Tjaldur er stór og sterk, men tað eydnaðist kortini StÍF at spæla seg fram til møguleikar, men so stóð Guðrun í Lágabø fyri. StÍF fekk bert 1 mál fyrstu 23minuttirnar.

Verjan hjá StÍF stóð væl, tí Tjaldur fekk bert 9 mál í fyrra hálvleiki og tá tað bert vóru 4 mál á muni eftir fyrstu 30minuttirnar, høvdu kvinnurnar hjá StÍF gott mót til seinnu 30 minuttirnar.

Fyrsta korterið í seinna hálvleiki broyttist støðan ikki tað stóra, men so skrædnaði púrasta hjá StÍF. Frá 14.minutti og til 29.minutt fekk StÍF onki mál, meðan Tjaldur fekk 13. Dysturin endaði 30-13 til Tjaldur.

Liðið hjá StÍF: Adina Chiricescci, Jóhanna Poulsen, Roxana Bodirlau (7), Anna Petersen (2), Fríðrún Danielsen (1), Rósa Danielsen (1), Oddrún Danielsen (1), Bobra Adriana (1), Bára Berthelsen, Annika L. Petersen, Birna Tummasardóttir, Birita Poulsen.

Liðið hjá Tjaldur: Guðrun í Lágabø, Adela Burcea, Jóhanna Hansen, Annika Thomsen (8), Adina Petrea (7), Alina Olaru (6), Heidi á Lakjuni (3), Jóhanna í Króki (2), Benadikta Johannesen (2), Mary-Ann Isaksen (1), Hanna I. Højgaard (1), Katrin Jacobsen, Kirstin Gaardbo.